zikr-e-shab-e-firaq se wahashat use bhi thi
meri tarah kisi se muhabbat use bhi thi

mujh ko bhi shauq tha naye chehron ki did ka
rasta badal k chalne ki adat use bhi thi

us rat der tak wo raha mahw-e-guftagu
masruf main bhi kam tha faragat use bhi thi

sunata tha wo bhi sab se purani kahaniyan
taza rafaqaton ki zarurat use bhi thi

mujh se bichar k shahar main ghul mil gaya wo shakhs
halanke shahar bhar se raqabat use bhi thi

wo mujh se barh k zabt ka adi tha ji gaya
warna har ek sans qayamat use bhi thi

Ahmed Faraz

Har koi Dil ki haatheli pay hai sehra rakhe
Kiss ko sairab kare woh kise pyasa rakhe

Umar bhar kaun nibhata hai taluq itna
Aye meri jan kay dushman tujhe allah rakhe

Hum ko acha nahi lagta koi hum naam tera
Koi tujh sa ho tou phir naam bhi tujh sa rakhay

Dil bhi pagal hai kay us shakhs se wabasta hai
Jo kisi aur ka honay de na, apna rakhe

Hans na itna bhi faqeeron kay akele pan par
Ja khuda meri tarhan tujh ko bhi tanha rakhe

Yeh qanat hai attath hai kay chahath hai Faraz
Hum tou raazi hain woh jis haal mein jaisa rakhe

Shairi.....

Talk of emotions and love, care and respect, leadership and patriotism and what not. Poetry is a way of expressing your intense emotion towards anything.
For anybody who loves poetry this blog will be a great way to read and share poetry.